இலங்கை அரசாங்கம் யுத்தக் குற்றச் செயல்களை மேற்கொண்டுள்ளது: மலேசிய இந்திய காங்கிரஸ்

இலங்கை அரசாங்கம் யுத்த குற்றச் செயல்களை மேற்கொண்டுள்ளதாகவும் அது குறித்த விசாரணைகளை நடத்தப்பட வேண்டுமெனவும் மலேசிய இந்திய காங்கிரஸ் கோரிக்கை விடுத்துள்ளது.

தமிழீழ விடுதலைப் புலிகளுக்கு எதிரான போராட்டம் என்ற பெயரில் தமிழ் இன அழிப்பு நடவடிக்கையில் ஈடுபட்ட அரச தலைவர்களுக்கு எதிராக யுத்த குற்ற விசாரணைகள் நடத்தப்பட வேண்டுமென கோரிக்கை விடுக்கப்பட்டுள்ளது.  இலங்கை இராணுவத்தினால் தமிழர்களுக்கு எதிராக கட்டவிழ்த்து விடப்பட்ட அராஜகச் செயல்களுக்கு நியாயமான தண்டனை வழங்கப்பட வேண்டுமென கோரியுள்ளனர்.  ஐக்கிய நாடுகளின் பாதுகாப்புப் பேரவையில் இலங்கைக்கு ஆதரவான செயற்பாடுகளில் மலேசியா ஈடுபடக் கூடாது என மலேசிய இந்திய காங்கிரஸ் கட்சி சுட்டிக்காட்டியுள்ளது.  மலேசியாவில் வசிக்கும் 1.8 மில்லியன் இந்தியர்களில் 1.4 மில்லியன் தமிழர்கள் வாழ்ந்து வருவதாக தெரிவிக்கப்படுகிறது.