சிறிலங்காவின் தலைநகரான கொழும்பில் உள்ள காலிமுகத்திடலில் நாளை மறுநாள் பெருமெடுப்பிலான வெற்றி விழாவினை கொண்டாட சிறிலங்கா அரசாங்கமும் பெரும்பான்மை சிங்கள மக்களும் தயாராகி வருகின்றனர்.
இது தொடர்பாக மேலும் தெரியவருவதாவது:
சிறுபான்மை தமிழ் மக்களை அனைத்துலக சமூகத்தினதும் இந்திய மத்திய அரசாங்கத்தினதும் ஆதரவுடன் போரில் தோற்கடிக்கப்பட்டதை பெரும் வெற்றி விழாவாக கொண்டாட சிறிலங்கா அரசாங்கம் தயாராகி வருகின்றது.
காலிமுகத்திடலில் நாளை மறுநாள் புதன்கிழமை நடைபெறவுள்ள கொண்டாட்டங்களின்போது முப்படையினர் மற்றும் காவல்துறை, ஊர்காவல் படையினரின் அணிவகுப்புக்களும் ஆயுத கண்காட்சிகளும் நடைபெறவுள்ளன.
அதற்கு ஏதுவாக நாளை நள்ளிரவில் இருந்து எதிர்வரும் வியாழக்கிழமை (04.06.01) பிற்பகல் வரையிலும் பம்பலப்பிட்டிக்கும் மருதானைக்கும் இடையிலான தொடருந்து சேவைகளை அரசாங்கம் பாதுகாப்பு காரணங்களுக்காக நிறுத்தியுள்ளது.
மேலும் கொழும்பு மாவட்டத்தில் உள்ள 21 அரசாங்க பாடசாலைகளும் முதலாம் ஆம் நாளில் இருந்து மூன்றாம் நாள் வரையிலும் மூடப்பட உள்ளதாக அரசாங்கம் அறிவித்துள்ளது.
No comments:
Post a Comment