தமிழ்த் தேசியக் கூட்டமைப்பு நாடாளுமன்ற உறுப்பினர்கள் பதவி விலக வேண்டும்: ஆனந்தசங்கரி

இதுவரை காலமும் தமிழீழ விடுதலைப் புலிகளுக்கு ஆதரவாக செயற்பட்டு வந்த தமிழ்த் தேசியக் கூட்டமைப்பின் நாடாளுமன்ற உறுப்பினர்கள் தங்களது பதவிகளை இராஜினாமா செய்ய வேண்டுமென தமிழர் விடுதலைக் கூட்டணியின் தலைவர் வீ.ஆனந்தசங்கரி தெரிவித்துள்ளார்.

அண்மையில் இந்திய இராஜதந்திரிகள் இலங்கைக்கு விஜயம் செய்திருந்த போது அரசியல் ரீதியான தீர்வுத் திட்டத்திற்கு தமிழ்த் தேசியக் கூட்டமைப்பு இணக்கம் தெரிவித்துள்ளது.  அரசியல் தீர்வுத் திட்டம் குறித்த இணக்கத்தை முன்னரே வெளிப்படுத்தியிருந்தால் வடக்கில் உயிரிழந்த பலரின் உயிர்களை காத்திருக்க முடியும் என அவர் சுட்டிக்காட்டியுள்ளார்.  இவ்வாறான நபர்கள் தொடர்ந்தும் தமிழ் மக்களின் சார்பில் குரல் கொடுப்பதனை எவ்வாறு ஏற்றுக்கொள்ள முடியும் என அவர் கேள்வி எழுப்பியுள்ளார்.